أرفض تقديم أي عمل يعارض الشريعة ،والأزهر الشريف اجاز مسلسلي..!!

اموت و افهم الأزهر الشريف شو دخلو بمسلسلات رمضان…!! شو دخل الاسلام و المسلمين يدخلو باللي بسوى اللي ما بسوى…!

الحلو انو عم بجيز مسلسل لا يجوز..!!!!!

اكتر اشي مستفز بالمسلسلات  هاد رمضان بطل اللبس “تعودنا” يلبسو ما يلبسوش مش فارقه مهو بالشارع بطلت الناس تلبس بدنا يلبسو بالتلفزيون..!!! امّا انو تكتر الشخصيّات اللي بتمثل الاسلام سواء باللحيه, بالمسبحه, بعلامة السجود على الجبين…..و بعدين بكون ” شيخ عينو زايغه”..

الناس اللي متل حسن يوسف بالاضافه انهم بقللو من قيمة حالهم هم  كمان عم بهينو الاسلام بالاشي اللي بمثلوه… يعني شو معناه شيخ ملتزم بقرأ قرآن و بحج و بصوم و”ماشي على شرع ربنا” يكون هيك دورو..!

يعني هو المسلسل نفسو نفسو بقدرو يعملوه بشخص عادي ليش بدخلو الدين؟!

على فكره انا مش متابعتو مش عارفه شو راح علي منو… بس شفت منو هاد المقطع “حسن يوسف محبوس و عم بقرأ قرآن و صاحبو الشيخ اللي علامة السجود مبينه على جبينو بحكيلها “هو انت يا ست زهره اللي بشوفك مرّه يقدر ينساكي” و بطلب يتزوجها..  ((فاظفر بذات الدين تربت يداك)) ..!!!!!