مسلسل سيدنا عمر بن الخطاب

سوف يعرض في رمضان مسلسل يجسد شخصية سيدنا عمر بن الخطاب ..  الجديد في المسلسل تجسيد شخصيات الصحابه رضي الله عنهم  فقد اعتدنا ان لايمثل احد شخصيات الانبياء و الصحابه وان  يكتفى بالاشاره اليهم بالعمل الدرامي كما في فيلم الرساله .
لم ابحث في  الحكم الشرعي في تجسيدهم  لكن من المؤكد انه يوجد  فتوى تحلل ذلك…
القضيه ليست هنا بالنسبه لي … اعتراضي على المسلسل من ناحية ان عظمة سيدنا عمر  من المستحيل ان  تجسّد
فبمجرد ذكر سيدنا عمر بن الخطاب يتبادر الى الذهن الشجاعة والقوة ة والحق والحب والرحمة
فمن قراءاتنا لسيرته رضي الله عنه  رسمنا له في خيالنا صورة لرجل عظيم وجدنا كثير  من القصص التى تبين جانب شجاعته وصرامته وقوته و من جانب اخر كثير من القصص تبين مدى رافته ورحمته ….ووجود مسلسل يجسد شخصيته سيحدد صورته في اذهاننا بالطريقه التي ييقررها المخرج  و الممثل لنا..

سبحان مغيّر الامزجة الرياضية :d

فتحت الفيس بوك بالتزامن مع مباراة برشلونه و ريال مدريدبدي اكتبلكم شو النيو فيدز عندي :

tooooz barchaaaaaaaaaaaaaaaaaaa

a7laa goooooooooooooooooooooooooool alla y2wekom

يلا برشا … بدنا الجووول التاني

: ys3d allah o Goaaaaaaaaaaaaaaaaaaaaaaal

wka2ni sayreh a7eb elbarsha barsha ! 3ajeeeeb

Viva – برشلونه – Barc

مدريدي اتزوج تونسية، طلقها ليش؟

. . . . …. .

قالتلو: أحبك “برشـــا” !ا

😀 😀

الغريب. انو هاي ستيتسات بنات مو شباب في صاحباتي صرلي بعرفهم 20 سنه عمرو ما حكينا عن مباريات كيف صار عندهم اهتمامات رياضيّه و انا مش عارفه!!  كيف هيك من وراي؟ 😀

😀 انا ما بحضر بس بدي برشلونه تفوز…ليش؟

عشان دعاية كريستيانو رونالدو تبعت كلير ما بحبها ابداً ابدً… My name is christiano ronaldo and I use clear for men

يتقل دمو شو شايف حالو  بالاضافه انو ميسي بحبو  دايما صورو بضحك  و لذلك

Goo Messi..Viva Barca :D.

و هاي انا كمان…ما حد احسن من حد :d

هل غازلت يوماُ مديرك للحصول على زياده في الراتب؟

هل غازلت يوماُ مديرك للحصول على زياده في الراتب؟

هل زوجك ضعيف الشخصيه؟؟

هل تشعرين بالرغبه بالانتقام من والدك لأنه ظلم والدتك؟

كانت هذه نماذج من أسئلة النسخه العربيه من The moment of truth !

انا أكتر محطه على التلفزيون بحضرها mbc4  فبتابع الاخبار و الدعايات أول بأول… هدول الأسئله من الدعايه لسّا البرنامج ما بدأ..!!!

بس يعني عزيزتي ال mbc انو احنا كل برنامج موجود بأميركا لازم نقلدو مثلاً ؟؟؟

Arabs’  got talent  ماشي تقليد مقبول بما انه المواهب اشي حلو … منيح انو نكتشفو .

اما the momnet of truth فضايح! كمان هاد حابين تكتشفوه!!

انا كنت أحضر البرنامج الاميركي ..جائزة البرنامج كبيره لدرجه كانت  تدفع المتسابقي للبوح بفضائحهم…. و صراحه حياتهم مأساه ! الحمدلله انو احنا مش زيهم..بس بآخر البرنامج المصاري بتسكتهم ..!

السؤال ممكن المصاري تغير من طبيعة  العرب رجالاً و نساء ؟

. يعني مثلاً يسأل المذيع الزوجه ” لو دفع لك مبلغ كبير لترك زوجك و الزواج من رجل آخر و سيم هل تقبلين؟ ” (شوفو بس افتراضات)

طبعا وهنا لو قالت لا وجهاز الكذب قال انها بتكذب  فضيحه ولو قالت نعم وصدقت وفي الحالتين فضيحه..

هل سيختفي خوف المرأه العربيّه من الفضيحه؟؟؟

و هل سيسامح الرجل العربي زوجته على أخطاء كانت تعتبر من في السابق جرائم؟

هل ستنتهي الحلقه… و ياخدو المصاري و ترجع حياتهم طبيعيّه زي قبل؟ و لّا رح تزيد المشاكل و الشكوك حتى لو اسئلة البرنامج كانت مجرّد افتراضات؟؟ هل هي محاوله لتفكيك الأسره العربيه؟؟؟

مش عارفه !!! بس صدق رسول الله بقوله “لتتبعن سنن من كان قبلكم حذو القذة بالقذة، حتى لو دخلو جحر ضب لدخلتموه

الأشي الوحيد اللي بميزنا عن الغرب انو عنا حياه اسريّه كتيييييييييييير أحسن منهم و هي من الاشياء اللي بحسدونا عليها… و هينا منجرّب نخرّبها..!!!

 

ثورات الشعوب جائزه الّا في السعوديّه فهي حرام شرعاً..!!!

مبارح كنت أحضر “انت تسأل و المفتي يجيب” على أحد القنوات الفضائيّه….

شيخ معروف الناس بحكو معو تلفون بسألو أسئله فقهيّه و بجاوب كنت منسجمه معو لعند ما حد حكى و سألو هاد السؤال

“هل الخروج في ثورات ضد الحكام جائز”

شو جاوبو  ” أذا كانت الثورات دون موافقة الوالي..و كان الوالي يحكم بشرع الله”كما هو الحال في المملكه العربيّه السعوديّه” فلا يجوز , أما في حالة الظلم و الاستبداد و عدم تطبيق شرع الله  فهذا جائز….

يعني كأنو بدو يحكي هيك ” اذا الدوله فيها الأذان بأذن,,,و الصلاه تقام…و السارق بتنقطع ايدو… و كل ا لحدود معمول فيها… حتى  لو الشعب مش واصلو حقوقو لا تجوز الثوره…. و كأن ثورة تونس جائزه فقط لان زين الدين العابدين كان يمنع الاذان في المساجد و ليس للفقر و الظلم و الاستبداد الاجتماعي

طبعاً الأخ الله أعلم شو السياره اللي بسوقها و وين القصر اللي عايش فيه…و يمكن يكون بصلّي بالحرم بالصف الأول…

أنا بعد زيارني للسعوديه في العمره بشهد انو “خادم الحرمين الشريفين” مو مقصر من ناحية خدمة الحرمين يعني  و الله الخدمات اللي عاملها بنشكر عليها…

بس أوّلا..هاد واجبو..

ثانيّاً… هم المصاري مصاري أبوه..

ثالثاً… ما حد مقصر معو بالشكر و المدح و الثناء والنفاق… يعني ةمش خسران اشي بخدمة الحرم و على العموم جزاه الله خيراً و كتّر خيرو…

بس أكتر اشي مستفز انو السائل “ما حدد منطقه معيّنه يعني ممكن يخلي جوابو هيك ” أذا كانت الثورات دون موافقة الوالي..و كان الوالي يحكم بشرع الله  فلا يجوز , أما في حالة الظلم و الاستبداد و عدم تطبيق شرع الله   فهذا جائز….

مش مضطر ينافق أبداً…

وائل غنيم في العاشرة مساء…

مقابله تستحق  التدوين… بس ما عندي كلمات توصف اخلاصو و حبو لمصر …

ما تفوتو عليكم المقابله… لمّا تشوفوها بتحسو انو لسّا الدنيا بخير…

و لسّا في ناس ناجحين بحياتهم و عندهم هدف كبير مش محصور بس بمصلحتهم الشخصيه و حياتهم و استقرارهم…..

“وائل غنيم : دي ثورة شباب الانترنت اللي بقت بعد كدّ ثورة شباب مصر ”

..انا آسف بس دي مش غلطتنا …دي غلطة كل واحد ماسك في السلطة ومتبت فيها

سعاد حسني..!!

كيف الصوره..؟؟؟

لمّا شفتها تخيّلت كيف انو سعاد حسني بوقتها من تقريباً 30 او 40 سنه كانت زي أحلى مغنيه هلأ…

و كيف بعدين صارت حد ما في حد سائل عنو…و تغيّر شكلها…و بالآخر انتحرت….!!!

سبحان الله كيف الدنيا…

تذكرت قول الله تعالى
يا أيها الناس إن كنتم في ريب من البعث فإنا خلقناكم من تراب ثم من نطفة ثم من علقة ثم من مضغة مخلقة وغير مخلقة لنبين لكم ونقر في الأرحام مانشاء إلي أجل مسمي ثم نخرجكم طفلا ثم لتبلغوا أشدكم ومنكم من يتوفي ومنكم من يرد إلي أرذل العمر لكيلا يعلم من بعد علم شيئا وتري الأرض هامدة فإذا أنزلنا عليها الماء اهتزت وربت وأنبتت من كل زوج بهيج‏.(‏ الحج‏:5)‏

اللهم لا تردّنا الى أرذل العمر… و اذا بدنا نعيش كتير نعيش و كل اللي حولينا بحبونا ..:)

القناعه ام الطموح ؟؟

القناعه كنز لا يفني… ارض بما قسم الله لك تكون أغنى الناس…اللي برضى الله برضيه….

كتير بخطر في بالي انو يعني كيف يعني قناعه اذا الانسان طموح… اذا لازم نرضى معنا ما بصير نحلم و نطلب اشي احنا مش فيه مهو احنا راضيين…

عجبتني حلقة الرضا من رحله للسعاده لقيت فيها الجواب

فالرضا شعور قلبي داخلي بخلّي الواحد و هو بسعى لتحسين حالو  راضي عن قضاء الله  في كل الاحوال يعني  مثلاً  حد ما بحب شغلو بسعى يطور حالو و يحسن وضعو و يشتغل و يدعي الله يرزقو بشغل أحسن بس بنفس الوقت بكون قلبو من جوّه راضي عن حالو و مش ساخط على الدنيا و لا حاسد غيرو و عايش بحاله نفسيّة سيئه…. هو بكون نفسو في مستقبل افضل بس راضي باللي الله معطيه ياه اليوم…..
سيدنا ابو بكر الصديق يقول: ما ندمت على شيئ فاتني من الدنيا كنت اطمح اليه فمن لم يقل ليس لي طموح ؟ ولكن اذا لم يتحقق رضيت و لم اندم

ارسل سيدنا  عمر بن الخطاب لابو موسى الاشعري يقول له أعلم أن الخير كله في الرضا .. فان استطعت ان ترضى فافعل وإلا فاصبر لان الرضا اطمئنان القلب باختيار الله أما الصبر فهو محاولة للتغلب على مرارة البلاء

يعني الرضا صبر بس مع  سعاده..اما الصبر بصبر الواحد غصبن عنو على الاشي…

و ديننا زي ما امرنا بالرضا امرنا بالطموح وبذل الجهد ((فامشوا في مناكبها وكلوا من رزقه – وقل اعملوا – وقل ربي زدني علما – ))

وامرنا بعدم قبول الذل والاهانه وعدم السكوت عليها ((إن الذين توفاهم الملائكة ظالمي أنفسهم قالوا فيم كنتم قالوا كنا مستضعفين في الأرض قالوا ألم تكن أرض الله واسعة فتهاجروا فيها فأولئك مأواهم جهنم وساءت مصيرا ))

وأمرنا بعدم الكسل والعجز .. و من  دعاء النبي اللهم اني اعوذ بك من الهم والحزن وأعوذ بك من العجز والكسل وأعوذ بك من الجبن والبخل وأعوذ بك من غلبه الدين وقهر الرجال.
و امرنا بالالحاح بالدعاء…