سمارت فون جديد …

بال 2010 اشتريت اول سمارت فون “galaxy ACE ”  اشتريته ب 300  دينار !

كان معي قبله nokia n7  فكان نقله نوعيه

ابوي بس عرف استعجب ! انه حد بشتري موبايل ب 1500 شيكل ولو !!!

هاد موبايلي القديم

Samsung_Galaxy_Aceاول ما اشتريته  كان اشي رهيب ! كل شي فيه كان جديد و غريب و فايبر وواتس اب و ابليكيشن كتير حلوه !

من سيئاته كانت انه كتير ابليكيشن متل (تويتر و الواتساب)  بس تنزل على الميموري الداخليه للجهاز اللي هي اصلا صغيره و كمان فوق هاد محجوزه من ابليكيشن ما بتلزمني نازلة اصلا مع الجهاز متل ال free office

فنصيحه لما تشتري سمارت فون تاكد من انه ما في شركات دافعه لشركة الموبايل عشان تنزلها ابليكيشانات ما بتلزمك و بس بتاخدلك من الميموري

جديد …  كل الابليكيشنات المهمه الي (linked in , facebook, twitetr, whats app, instargram , google play )  كلها عملت تحديثات  بتستهلك كتير من الذاكرة الداخلية ..و كمان الفيرجن القديمه بكتير منها متل Linkedin  بطلت تشتغل !

لما اشتريت موبايلي كان لسا samsung s2  مش نازل !

من ال 2010 لليوم … نزل s2,s3,s4 , note2  و اشياء تانيه grand , duos  و غيرهم !

كل واحد اله مواصفات احسن من اللي قبله بشوي و باسعار مش قليله و الحلو كل الناس حاملينهم الغني و الفقير .. الصغير و الكبير و كل ما حد يدفع مبلغ سعر موبايل  احكي (مجانين الناس يعني انا لو معي ملايين بدفعش 2000حق موبايل ) (بالاخر دفعت اكتر )

جربت احسن جهازي فكرت المشكله بتنحل بس احط SD CARD   كبيره و انزل سوفتوير … بس ما انحلت لانه الابليكيشن حتى لو نزل على الذاكرة الخارجيه خلال الاستخدام بياناته بتنزل على ذاكرة الهاتف الداخليه اللي هي كتير صغيره .. فدايما تطلعلي مسج MEMORY FULL  DELETE SOME DATA  و امحي داتا و بعد يوم ترجع نفس المسج لا زهقت لما اشتريت فقررت اشتري موبايل جديد…:)

المهم طلع ما عندي مبدأ .. و دفعت بلاوي عشان اجيب NOTE3  .. من مبدأ تاني “اللي هو الواحد مشتري مشتري  ما يشتري احسن اشي و اجدد اشي🙂

الصراحه الجهاز طلع رهيب ! كتير حلو بس كله كماليات ! شو فارقه علي انا و انا بكتب النوت اكتبها بالقلم بدل ما اكتبها باصبعي !  هيك بحس حاله الواحد من الطبقه البرجوازيه و هو بستخدمه😀

كمرته رهيبه فيها استوديو لحالها ..منها فيتشر بيوتي فيس beauty face بطلع وجهك حلو كانك حاطط فاونديشن ! و في معه ابليكيشن كتير متل ال flipBoard  ما كانت تنزل على جهازي القديم !

كتيير فيه اشياء حلوه ! بتوقع لو بدي ابحث و هيك بلاقي مواصفات لجهاز جيده بسعر معقول بس اعلانات ال Note 3 اللي بشوفها بكل مكان شكلها كتير اثرت فيي !

فمبروك علي جهازي الجديد … و اصلا اذا انا ما حملتش note 3  مين بدو يحمل😉

بس توقعاتي السنه الجاي متل اليوم يكون نوت 3 اشي قديم و نازل 10 اجهزة اجدد منه ! عزيزتي سامسونج شوي شوي علينا لو سمحتي !
و يللا اي حد عندو ابليكشن حلو بنصح فيه للاندرويد يحكيلي عنه🙂
image

image

شوفو كيف الملتي ويندوز و الكتابه بالقلم😀

4 thoughts on “سمارت فون جديد …

  1. I feel old!
    7aramik

    !!

    loool

    like one third of the tech words u used I have never heard of or don`t know what they mean
    :((

    I feel old(er) now 😀

    ——–
    mobarak the new gadget🙂

    I never had/used a smart phone, ever!

    I have a theory that instead of making us connected it is doing the opposite

    lol

    it is supposed to be an auxiliary for us but taking precedence instead!

    *kol hada l kalam min l gheereh, 2aah* 😛

    enjoy it and let it work 4 u 4 the best of features and not being controlled by them 🙂

    • Thanks haytham your coments always enrich my posts !
      Yess evey thing will be under control inshaAlla ! Real life first !🙂
      Haha ask me about anything u didn’t understand😀 i recently realized that smartphones make us disconnected with people arround us & connected with far away people ! I’m sure one day u will have one ! The stupid phone may be disappear ha so buy one la7alak a7san😀

أضف تعليقاً

إملأ الحقول أدناه بالمعلومات المناسبة أو إضغط على إحدى الأيقونات لتسجيل الدخول:

WordPress.com Logo

أنت تعلق بإستخدام حساب WordPress.com. تسجيل خروج   / تغيير )

صورة تويتر

أنت تعلق بإستخدام حساب Twitter. تسجيل خروج   / تغيير )

Facebook photo

أنت تعلق بإستخدام حساب Facebook. تسجيل خروج   / تغيير )

Google+ photo

أنت تعلق بإستخدام حساب Google+. تسجيل خروج   / تغيير )

Connecting to %s