ما جعل #2013 جميله …

هاي السنه كتييير مش فارق معي  انه خلصت سنه و بلشت سنه جديده …ما صار اشي مميز بال2013 بس  2013 كانت حلوه ..!  لو 2014 بتكون متلها بكون منيح (حلوة عللى الصعيد الشخصي) اما على صعيد الوضع العام في العالم العربي من سوريا لفلسطين للعراق للبنان فهو سيء …سيء جدا ! بس قد ما كان الوضع سيء حولينا حياتنا الشخصيه بتمشي عادي اه منكد شوي بعدين منرجع منعيش طبيعي !

و انا بقرأ تايم لاين تويتر قرات تويتة “كل عام وأنا أجد في نفسي مايستحق الإحتفال !””  … فلما فكرت فيها .. الحمدلله وجدت بنفسي كتير اشياء تستحق الاحتفال 🙂

ما جعل 2013 جميله …

عائلتي

تيتا تو تيتا ماما و بابا و زيد كريم احلى اشي بالحياه

ااصدقائي

ربا و لنا و زينه و ايمان و رنا و دعاء و سهى ولبنى و لينا و نانا و علا و منى و شذى و ديالا و هلا و هند و شرين و مي   و غيرهم الكثير ! فالحمدلله على وجودهم

شغلي

وضعي الوظيفي تحسن .. و بقدر اعترف اني بحب شغلي نسبيا  🙂

تسعة قروش

تشرفت بكوني جزء من مجموعه خيريه اطلقنا عليها اسم تسعة قروش … ايه ,مي , الاء ,عميد, جعفر , هبه,انس ,حسن و ايات شكرا لكم

زورو صفحتنا و مدونتا

مع اسفي اني اقل عضو فعال و نشيط فيهم !

اني تعرفت على ناس هيك خلاني اشعر انه لسا الدنيا بخير

كتب :

قرات اكتر من 13 كتاب  (او ممكن روايه) يعني ما يعادل كتاب واحد بالشهر !

هلأ بعرف انه مش كتير … !  بس انا حاسيته منيح  عالاقل دايما يكون معي اشي اقراه

الكتب اللي قراتها بال 2013  جمعلي ياها جودريدز  … في كتب متل حلم رام الله مشيت فيهم منيح بس ما يعجبوني فما اكملهم !

ان شاء الله السنه الجاي بصيرو الضعف او اكتر

read

قناعاتي

قناعاتي تتلخص في اقتباس من مقال للدكتور مصطفى محمود

“كلنا نخرج من الدنيا بحظوظ متقاربة برغم ما يبدو في الظاهر من بعد الفوارق و برغم غنى الأغنياء و فقر الفقراء فمحصولهم النهائي من السعادة و الشقاء الدنيوي متقارب. فالله يأخذ بقدر ما يعطي و يعوض بقدر ما يحرم و ييسر بقدر ما يعسر.. و لو دخل كل منا قلب الآخر لأشفق عليه و لرأى عدل الموازين الباطنية برغم اختلال الموازين الظاهرية.. و لما شعر بحسد و لا بحقد و لا بزهو و لا بغرور “ المقال كامل
فانت شو ما كنت مظلوم … و شو ما شايف ناس احسن منك يمكن انت بكرا تصير احسن منهم … او حتى يمكن انت هلا احسن منهم بس بتفكر انهم احسن منك … يمكن عم بكتب هاد الحكي من كتر ما بتفاجأ بنفسيات مريضه  بكونو عايشين منيح بس مش مبسوطين لانه مشغولين بغيرهم شو معه و شو عنده … السعاده في النهايه اسلوب حياه و ليست وجهه ! و اللي بضل بقارن حاله بغيره كتير بتعب … غير انك انت شايف صفحه من حياة انسان (فتره من عمره) و مش شايف باقي صفحات حياته (اللي يمكن توصل 100 سنه ) و اللي الله اعلم شو فيها هم و نكد و حزن …

الانسان قد ما كان شايف حاله و عامل حاله اشي كبير ف هو ضغيف و مسكين ! يعني الانسان لو اذاك هو اصلا مسكين و منيح فما تكرهه

” لقد خلقنا الانسان في كبد ”

“و خلق الانسان ضعيفا” صدق الله العظيم

الشبكات الاجتماعيه

لسا كفة تويتر عندي راجخه على كفة الفيس بوك ! و التدوين كان قليل جدا تلخص في هاد اللينك🙂

اه من الاشياء اللي بضحك اللي صارت معي بال 2012  انه عندي تويته جابت 208 ريتويت !! المشكله انها صورة و مش الي و لا للشخص اللي انا رديت عليه فيها  هي لمصور مصري اظن اسمه صالح الموسى  فيها صورة جمل بالتلج  , انا بس ضفت عليها  تعليق “جمل قطبي” ! jamal

النكته مش هون !!

الاشي اللي بضحك انه اجاني يمكن 10 منشن بتهموني اني انا ضد حقوق الحيوان و انه انا كيف تاركه الجمل المسكين بالصحرا و كيف تاركته بلا اكل لانه شكلو نحيف و حزين… اخدت كورس بحقوق الحيوان من هاي التويته هلأ بقرئكم ! (هلكت و انا افهمهم انه و الله هاد الجمل مش الي … انا بس عملت شير مش اكتر )

و كمان 3 وكالات انباء وحده اميركيه ووحده صينيه طلبو مني الصوره مقابل يعطوني مصاري ! (و طبعا انا اعتذر و اذكر اسم المصور )

jamal2 jamal3

كان اشي بضحك !😀

و على سيرة الجمل و التلج  فبال 2013 اتلجت تلج بنابلس من زمااان ما صار ! فكرنا حالنا عايشين بموسكو فترتها !

كسر و خرب و دلفت سقوف بيوت و متنا برد و قارمات المحلات وقعت و الكهربا قطعت و… بس و الله التلج و هو بنزل حلو و لعبنا فيه !

و هيك بكون التدوين اخر اشي اعملته بال 2013 و اول اشي عملته بال 2014🙂

فالحمدلله دائما و كل عام و انتم الى الله اقرب 

كل عام و نحن نجد في انفسنا ما يستحق الاحتفال  ؛)

9 thoughts on “ما جعل #2013 جميله …

  1. I/we wish u more twitter & blogging in 2014 and beyond ;D

    “and health and money and friends and .. bla bla ,,, ”
    lol

    but twitter comes first
    ma da5lna!

    enshaAllah tdally mabsoo6ah

    العذاب ليس له طبقة = more than a great message!

    ———-
    Allah ybarik feekom regarding the initiative and I hope it progresses and lasts

    happy reading in 2014 🙂

    I hope I will be around yr blog in this year

    ————

    when u contrasted
    كتاب vs روايT
    “wain l ta2 al marboo6a”
    ;D

    u reminded me of a personal effort to have an operational definition for both
    (in Arabic)

    I`m still looking for one!! 🙂

  2. Thaank you Haytham😀 I wish You the same and more
    Thanks for visiting my blog. appreciate your kind support.🙂
    I will be glad if you suggest me some good books to read ..as you see I still a beginner reader 😦
    haha amma al ta2 al marboota ! I always replace it with haa ! I know the difference between them wAlla bs ba5arbet !
    how about you .. ? keef heyam o em heyahm o Anas ? o al draseh???
    Hope everything is going well

    • everything is NOT well but hanging on😀

      “it is almost never going well, sa7!”

      ————

      I can`t complain much about yr switch, haa2 is -after all- a fav. letter of mine 😉

      About suggestions, I`m -for the past 6 months or so- keen on re-reading NOT exploring much of the new!

      I finished -for example- tholathiyyat Gherna6a just last night🙂

      but here r some of the work that I find timeless and always worth it

      “sorry to write some of them in 3arabeezy though!”

      – ameen ma3loof – can I say all his books AND novels😛
      but if I had to choose then:

      7ada2iq al-noor

      – ميخائيل نعيمة ، البيادر
      – رحلة_جبلية فدوى طوقان
      – عالم بلا خرائط..منيف وجبرا
      – رجال في الشمس–غسان كنفاني

      and from the new stuff

      – saq al bamboo
      ———

      all the best of luck in becoming a hero on twitter on 2014 too 😉

      • شكرا هيثم
        رحله جبليه صعبه .و عالم بلا خرائط اسمهم مشجع … رح اقراهم ان شاء الله !
        رجال في الشمس قارئتها..
        ميخائل نعيمه بتذكر اسلوبه صعب من ايام النقد اللي درسته بالتوجيهي !
        كيف لقيت ثلاثية غرناطه؟ كم اعطيتها من 5 ؟

      • I wish we had to study him at school
        !😦
        I really wish
        his writings r priceless -in my opinion- just simply priceless
        ————–

        This was my third time to read that novel and it would easily get 4 stars!
        If there would be 4.5 then it would get that rank too🙂
        ————

    • و انت بالف خير يا معاذ ! ان شاء الله تنتظرنا جميعا سنوات رائعه
      بركي ان شاء الله next year in a free Palestine 🙂

  3. عام جميل يَمامة .. وأهم شيء الجمل ههه
    إن شاء الله عام مليئ بالتفوق ، وأتمنى أن يكون عام 2014 أجمل . .

    اقرئي تدوينتي عن العام الجديد :p

    • شكرا انس على المرور و على الامنيات الجميله… كل عام و انت بخير
      سازرو مدونتك الان🙂

أضف تعليقاً

إملأ الحقول أدناه بالمعلومات المناسبة أو إضغط على إحدى الأيقونات لتسجيل الدخول:

WordPress.com Logo

أنت تعلق بإستخدام حساب WordPress.com. تسجيل خروج   / تغيير )

صورة تويتر

أنت تعلق بإستخدام حساب Twitter. تسجيل خروج   / تغيير )

Facebook photo

أنت تعلق بإستخدام حساب Facebook. تسجيل خروج   / تغيير )

Google+ photo

أنت تعلق بإستخدام حساب Google+. تسجيل خروج   / تغيير )

Connecting to %s