متفرقات ! :)

908744.gif

مصورين :

مبارح رحنا انا و صاحباتي تصورنا بستيديو كنا بدنا صورة شخصيه  فصرنا واصلين تصورنا صورة جماعيه أحلى اشي بالستوديوهات انها عشان اطلعك حلو بروحو بعملو عمليات تعديل على وجهك ..بشيلو كل الحبوب و النمش و التجاعيد و كل تفاصيل الوجه  فانت بتتطلع بتلمع بالصوره كأنك  بلاستيك

الفيس بوك:

من أبشع الاشياء بالفيس بوك انه بشيل الحواجز بين البشر يعني الحدا اللي بكون بالشارع يا دوب يحكيلك مرحبا بصير أعز صحابك … و ما يرافق ذلك من علاقة الشباب بالبنات يعني بالواقع  فش بنت بتشوف شب بتعرفه بالشارع بتحكيلو ما أحلى قصة شعرك أو ما أحلى لبسك عالفيس بوك عادي بطلع معها “شو أمور و شو حلو و كيوت و قصة شعرك لابقتلك

انستاجرام instagram

instagram  اختراع جميل ! بعمل الصور لوحات فنيه صرت بحب اصور عشان اضيفها على البومي هناك🙂

الدوام  و الشغل :

صرلي شهر بداوم كل سبت يا ام عشان مراقبه يا اما عشان دورة مناخدها بالجامعه 😦

و هلا علي تصليح هومويركات بلاوي من هون للسما روحه رجعه !😀

الوضع السياسي :

كما قال درويش يحاصرني واقع لا استطيع قراءته .. لا انا فاهمه شو بصير بمصر و لا بسوريا و لا حتى بغزة ! و لا عارفه مين منيح و مين لا من مجاهد و مين منافق !

تويتر :

صار عندي 1013 قولورز🙂

كتب :

خلصت من فتره كتاب سأخون وطني لمحمد الماغوط قبليه قرات الثورة لوائل غنيم منيح اني قراته لانه لو أجلته بعد اللي عم بصير بمصر يمكن كنت عمري ما فتحته .. مبارح بديت كتاب عن سيرة جيفارا .! .غلافه مش مشجع  ابدا بس و الله محتواه لحد صفحه 25  حلو

شو علاقة الصورة بالتدوينه ؟

ما بعرف 😀

10 thoughts on “متفرقات ! :)

  1. هههههه تدوينة حلوة والله وبتفق فيها معك مع الشغلات اللي منلاحظها.. زي الانفتاح اللي عاملو الفيسبوك. وبضيف انه مو بس متل ما قلتي وكمان بكون الواحد اول مرة بحكي مع التاني وعمرو ما شافو ع الواقع كمان(خصوصا لما بين شب وبنت) بحكوا وبمزحوا زي اعز صحاب.. وهاد بعكس كتير امور، حلوة ومش حلوة..
    ومبروكين الفولورز والله مبركين! هههههه
    ع فكرة بشوف انه احنا العرب لسا بننجذب للانثى اكتر من غيرنا بكتير مواضع، وبقول احنا العرب بهدف التحديد والتخصيص.. وهون بسألك، من اي جنس اكثر المتابعين عندك؟

    • مفيد مش عارف تجيب فولورز فجاي تتفلسف علي😀
      يعني العالم فيه ذكور و اناث و بالتالي انت نسيت تحكي لو اني شب بدو يكون أغلب الفولورزعنده بنات!!
      كمان أغلب تويتاتي عامه يعني يمكن لو اني ممثله او مغنيه يكون حكيك صحيح ..!!!!

      و هاي الاحصائيات https://followerwonk.com/analyze/yamama_sh?op=fl
      male :18% female 8.5% 73.5% undetermined gender
      بس مش دقيقه ابدا ابدا لانه undetermined gender73.5%

      شكرا على مرورك …أسعدني جدا أعجابك بالتدوينه🙂

      • ههههههه يا حرامك، مش عارف أجيب فولورز؟ طيب والدكانة شو بتعمل؟😛 ال2000 فولور ب 10 دولار ههههههه
        بس فعلاً مش هاد القصد وهي كانت ملاحظة عفوية وعابرة، يعني بالمرة مش جاي اتفلسف ههههه (لما اجي اتفلسف رح احكيلك عشان اتضيفيني إشي) وإنتي على فكرة دعّمتي كلامي، لانه فعلاً نفس الشي مع الشباب، إزا كان حليوة بتلاقي كمشات بنات “لاحقينه” – طبعاً لازم يكون بوتوت عشان يبين وهيك..
        بالنهاية، القصد إنه الجنس أو الشكل أو الشهرة لازالت عوامل مؤثرة وغالبة في التأثير بشكل عام..

        كل الإحترام يمامة🙂

      • يعني الالف ب 5 دولار !! كتير قليل!😀
        صحيح هاي العوامل كتير مؤثرة عنا .. شكرا جزيلا مفيد على المرور و التعليق🙂

  2. ههههههههههههه …. الصورة حلوة رجعتلي عشرين سنة لورا😛
    مبروك الفولوورز … و ملاحظة التصوير صحيحة ..أنا بنجن من المصورين … طيب يعني خدو رأي البني آدم اللي بتصورو فيه ييجي يتفرج على صورته ما يتعرف على حالو!!!
    آخر مرة اضطريت أتصور فيها وجيت بعدين آخد الصورة لقيت وحدة وجهها بلمع وحاطة ميك أب😛 والأحلى عامللي خدوود :S
    طبعا أنا اتدايقت لأني بطلوع الروح لقيت وقت أروح أتصور!!! وبالآخر أطلع وحدة تانية!!!
    المهم روحت عالبيت معصبة إلا ستي بتقللي هاتي أشوف الصورة، ورجيتها اياها .. كيّفت، بتقللي يا ستي هيو مطلعك شلبية!!
    قلتلها الله يسامحك يا تيتا … يعني أنا بالأصل مو شلبية😦

    • ههههه ياسمين لا لا انت شلبيه بس فهمتي ستك غلط هي بتكون مع الميك اب اللي عملك ياه المصور شافتك ابهجتي … 😀
      انا مبارح كمان بحكيلهم يعني كتر خيره اللي بدو يحليني بس لو انا بدي وجهي من غير تفاصيله كنت حطيت فاونديشن يسالني عالاقل !!! و الله نورت البلوج زورينا دايماً

  3. من هون للسما روحه رجعه = زمااااااااااااااااااان عن هالكلمة🙂 – بعدين وين التاء المربوطة! :]
    ———-
    اسمهم قولورز؟ هيك بتدلعينا يعني؟😛
    friends NOT followers as I often tweet with full-lungs on twitter but they never listen!🙂
    ———
    no to facebook!
    ——-
    I miss books and reading😦
    ——-
    جودي آبوت عندها 38935389 صديق على تويتر عفكرة :]

    • My friend judi is on twitter !! what is her name… bedde al7a2ha😀
      ah right😀 followers is something like stalkers 😀 okey will call them friends from now on
      ya3ni more than 1000 new friends dof3a wa7deh😀
      I miss our book club😀 heiieh wainha manar
      ???
      شكرا لمرورك سيد ابو هيام😀
      من فرق الوقت بين التوقيت هون و بسكتلندا ما كان تعليقك اول واحد🙂 هيني رايحه ازبط التاء المربوطه

      • منار بدها تختم كل الكتب اللي بالعالم بعدين تبلّش تألّف😀

أضف تعليقاً

إملأ الحقول أدناه بالمعلومات المناسبة أو إضغط على إحدى الأيقونات لتسجيل الدخول:

WordPress.com Logo

أنت تعلق بإستخدام حساب WordPress.com. تسجيل خروج   / تغيير )

صورة تويتر

أنت تعلق بإستخدام حساب Twitter. تسجيل خروج   / تغيير )

Facebook photo

أنت تعلق بإستخدام حساب Facebook. تسجيل خروج   / تغيير )

Google+ photo

أنت تعلق بإستخدام حساب Google+. تسجيل خروج   / تغيير )

Connecting to %s