#palestine #occupation عمتي و الاحتلال !

 

عمتي تزوجت بسنة 1967 و سافرت على الاردن

بعد شهر شهرين صار احصاء للفلسطينيين و هي كانت بره فما انحصت انها فلسطينيّه…(طبعا ما كانو ماخدين الموضوع جد على اساس انو اليهود مش مطولين)

و هلأ هي ما معها هويه فلسطينيّه “قصدي اسرائيليّه”  ما معها لم شمل… فما بتقدر تفوت الضفه… الا عن طريق السفارة الاسرائيليّه بالأردن…

طول الفتره اجت مرات كتير قليله عشان ما بتحب ينختم جوازها بفيزا اسرائيليّه … “من مبدأ و طني ما كانت تيجي”

كانو تيتا و سيدو و احنا نطلع عندها …

هلأ… تيتا شوي تعبانه ما بتقدر تسافر…. و عمتي بدها تشوفها و تشوفنا… اضطراراً قدمت على السفاره الاسرائيليّه من اكتر من اسبوع و لسّا بتستنى  يتكرمو عليها و يسمحولها تفوت على الضفه….

و عشان تطلع الفيزا عملو معها مقابله يمكن نص ساعه ما بقي  سؤال الا سألوها ياه…. عن عيلتها و عن ولادها و عن اخوتها… و ليش جاي..و شو بدها…. و كم بدها تقعد…

الله يلعنهم و يحرمهم كل شي حلو بحياتهم اللي عم بحرمونا من وطنا..

و لسا  الفيزا ما طلعت… و الله اعلم تطلع و لا ما تطلع….!

 

ادعولي شغلتين ..

الله يشفي تيتا و ترجع منيحه زي قبل و أحسن.. =)

تطلع الفيزا لعمتي .. كتير كنا متأملين انها تطلع بس كتير طولت و لسا مش رادين جواب)

 

 

 

5 thoughts on “#palestine #occupation عمتي و الاحتلال !

  1. و الله إشي بيقهر!

    اللهم آمييييييييين

    اللهمّ أعزنا بالإسلام و أعز الإسلام بنا و ساعدنا لنغير ما بأنفسنا لندعوك أن تغير ما بنا
    يا ربّ

  2. الله مع جدتك ,,, ويارب عمتك تجتمع معكوا قريباً
    والله يخلص فلسطين من أنجاس الارض اليهود قريبا يارب ….

  3. يا رب يا مجيب الدعوات ويا عالم بالأحوال تشفي كل مريض وتشفي جدة يمامة ياااااااااااااااا رب
    وان شاء الله يطلع لعمتك فيزا تيجي تزور بلااادها وتشوووفكم وتشوفوها

    والله يحرمهم الهنا ويحرمهم كل خير وكل شي حلو هاليهود الاسرائيلين اللي حارمينا أشياء كتيرة وحارمينا شوفة أحبابنا

  4. آآآميين يا رب …..
    هذا حالنا مع عمتي اللي ملاقية مكان تقعد فيه
    فما بالك بحال آلاف اللاجئين اللي مش ملاقيين حتى مكان زي العالم يسكنو فيه ….
    وبعديها بحكولك لازم نتعايش معهم بصفتهم “أمر واقع”
    بعدين إحنا هويتنا فلسطينية مش “إسرائيلية “!!!

أضف تعليقاً

إملأ الحقول أدناه بالمعلومات المناسبة أو إضغط على إحدى الأيقونات لتسجيل الدخول:

WordPress.com Logo

أنت تعلق بإستخدام حساب WordPress.com. تسجيل خروج   / تغيير )

صورة تويتر

أنت تعلق بإستخدام حساب Twitter. تسجيل خروج   / تغيير )

Facebook photo

أنت تعلق بإستخدام حساب Facebook. تسجيل خروج   / تغيير )

Google+ photo

أنت تعلق بإستخدام حساب Google+. تسجيل خروج   / تغيير )

Connecting to %s