فكر قبل ما تشارك المعلومه Think before sharing

دفعني لكتابة هاد الموضوع اليوم عبارتين منتشرين على الفيس بوك بطريقه  مش معقوله !!!  بستغرب كيف الناس بتنشر هاي الاشياء من غير ما تفكر… طيب يفكرو بنقطه انو  لو حد مش مسلم قرأها بضحك على الاسلام و المسلمين.!

الاولى

هل تعلم..؟؟
-اذا امسكت “المصحف”

فإن الشيطان … “يغضب”

وإذا فتحته … “يبكي”

وإذا قلت بسم الله … “ينهار”

فإذا أخذت في القرآءه … “يقع مغشي عليه”

وهل تعلم أنك إذا حاولت إرسال هذه الرسالة لأحد …

سيحاول الشيطان … “منعك”

الثانيه
ھل تعلمـْ لمآذآ نُحس بـآلضيق فيْ بعض آلـأحيآن دونَ سبب ؟!

ھُنـآك غِشـآء يسمىْ { آلرآن }
يأتِي عندمآ ننسَى ذكْر الله سُبحـآنه وتعـآلىْ
فنبدَأ بعَمل آلذنوبْ وآلـأحسَـآس بـآلضِيق وآلحُزن

قَـآل تعـآلىْ : { كَلـآ بلْ رآنَ علىَ قُلوبِهمـ مـآكآنُو يكسِبون }
فـَ يبدأ هذآ آلغِشـآء بِـآلتلـآشِيْ عند ذكره عز وجل

انا مش مفتيه و لا شيخه و لا بفهم بالدين اكتر من غيري بس عندي عقل!!!!
يعني بالنسبه الي العباره الاولى ساوت الاسلام مسخره…!!! شو الشيطان يقع مغشي عليه…!! لسا و الله من فتره قرأت وحده بتشبهها “اذا فتحت القران الشيطان بصير راسو يوجعو”
اكيد اكيد اللي بنشرها نيتو سليمه و نيتو يشجع على قراءه القران بس في كتير احاديث صحيحه عن فضل و عظمة قراءة القرآن ما في داعي ننشر هاي الاشياء!
اما الثانيه
فبخترعو معلومه خاطئه بحطوها بقالب علمي  برضو باعتقادي ما الها اساس من الصحه بعتبرو انو بدهم يثبتو اعجاز القرآن فيها… القران كتاب معجز بدلائل علميه و عقليه واضحه…. شو في داعي للاختراعات و الزيادات!!!
هل الران غشاء! يعني الكفر اذا مات قلبو ملفوف بغشاء الران و المؤمن مش ملفوف في الران؟؟ مين حكالهم ؟؟ شو الدليل ؟؟ كل حد فينا مدايق لما يذكر الله برتاح هاي شغله روحيه “الا بذكر الله تطمئن القلوب” بس هل السبب انو قلبو لفو غشاء؟؟؟؟
ب
فكر و ابحث و تحقق قبل ان تنشر خاصه بامور الدين ….
حتى لو نيتك سليمه ..نشر معلومات خاطئه لتقريب الناس من الاسلام او من الطاعات و العبادات… اشي لو كان الرسول صلى الله عليه و سلم بينا اكيد ما كان شجعو…. و اكيد هاد اشي حرام لانو خطاً  !
اذا حد عندو دليل على  صحة اي اشي من هدول  المعلومتين يا ريت يحكيلنا

4 thoughts on “فكر قبل ما تشارك المعلومه Think before sharing

  1. القصة الأولى بدهاش حدا يفتي فيها ولكن قد يكون الزلمة اللي كتبها مش قصدوا المعنى هاد وإنما فقط من باب التشجيع يعني صحيح انو هاد الحكي ما في منو بس هو ما قال هدا حديث وإنما أراد ايصال معلومة “إنو الشيطان لما انت تعمل عمل صالح بينغاظ ” طبعا مش تبرير للحكي طبعا ….
    أما عن الران فهو معروف بما معنى الحديث :
    “ان العبد اذا أخطأ خطيئة ، نكتت فى قلبه نكتة سوداء ، فأن هو نزع واستغفر وتاب، صقل قلبه ، وان عاد زيد فيها ، حتى تعلو على قلبه ” وهو الران الذى ذكره الله تعالى

    أما إنو حولوا الران غشاء حقيقي وظاهر فهاد أول مرة بسمعو

    طبعا الواحد لازم يتأكد من الحكي اللي بدو يكتبو وأنا معك وما بحكي إنو حكيك غلط ولكن هي إضافة لحكيك

    “من كذب علي متعمدا فليتبوأ مقعده من النار”

  2. الصحابه رضوان الله عليهم يفعلون بالسنه لانها سنة الحبيب المصطفى عليه افضل الصلاه والسلام ونحن نتركها لانها سنه , اذا نشرنا السنن ماتت البدع

  3. الطريقة الوحيدة للعلم هي القراءة .
    أتفق مع أبو الخير فيما يقول، فالحديث حسن صحيح، ولكن تحويلهم إلى غشاء حقيقي ظاهر يبين مدى سطحية الكاتب في فهم ما يريد به رسولنا الكريم صلى الله عليه وسلم

أضف تعليقاً

إملأ الحقول أدناه بالمعلومات المناسبة أو إضغط على إحدى الأيقونات لتسجيل الدخول:

WordPress.com Logo

أنت تعلق بإستخدام حساب WordPress.com. تسجيل خروج   / تغيير )

صورة تويتر

أنت تعلق بإستخدام حساب Twitter. تسجيل خروج   / تغيير )

Facebook photo

أنت تعلق بإستخدام حساب Facebook. تسجيل خروج   / تغيير )

Google+ photo

أنت تعلق بإستخدام حساب Google+. تسجيل خروج   / تغيير )

Connecting to %s