هل غازلت يوماُ مديرك للحصول على زياده في الراتب؟

هل غازلت يوماُ مديرك للحصول على زياده في الراتب؟

هل زوجك ضعيف الشخصيه؟؟

هل تشعرين بالرغبه بالانتقام من والدك لأنه ظلم والدتك؟

كانت هذه نماذج من أسئلة النسخه العربيه من The moment of truth !

انا أكتر محطه على التلفزيون بحضرها mbc4  فبتابع الاخبار و الدعايات أول بأول… هدول الأسئله من الدعايه لسّا البرنامج ما بدأ..!!!

بس يعني عزيزتي ال mbc انو احنا كل برنامج موجود بأميركا لازم نقلدو مثلاً ؟؟؟

Arabs’  got talent  ماشي تقليد مقبول بما انه المواهب اشي حلو … منيح انو نكتشفو .

اما the momnet of truth فضايح! كمان هاد حابين تكتشفوه!!

انا كنت أحضر البرنامج الاميركي ..جائزة البرنامج كبيره لدرجه كانت  تدفع المتسابقي للبوح بفضائحهم…. و صراحه حياتهم مأساه ! الحمدلله انو احنا مش زيهم..بس بآخر البرنامج المصاري بتسكتهم ..!

السؤال ممكن المصاري تغير من طبيعة  العرب رجالاً و نساء ؟

. يعني مثلاً يسأل المذيع الزوجه ” لو دفع لك مبلغ كبير لترك زوجك و الزواج من رجل آخر و سيم هل تقبلين؟ ” (شوفو بس افتراضات)

طبعا وهنا لو قالت لا وجهاز الكذب قال انها بتكذب  فضيحه ولو قالت نعم وصدقت وفي الحالتين فضيحه..

هل سيختفي خوف المرأه العربيّه من الفضيحه؟؟؟

و هل سيسامح الرجل العربي زوجته على أخطاء كانت تعتبر من في السابق جرائم؟

هل ستنتهي الحلقه… و ياخدو المصاري و ترجع حياتهم طبيعيّه زي قبل؟ و لّا رح تزيد المشاكل و الشكوك حتى لو اسئلة البرنامج كانت مجرّد افتراضات؟؟ هل هي محاوله لتفكيك الأسره العربيه؟؟؟

مش عارفه !!! بس صدق رسول الله بقوله “لتتبعن سنن من كان قبلكم حذو القذة بالقذة، حتى لو دخلو جحر ضب لدخلتموه

الأشي الوحيد اللي بميزنا عن الغرب انو عنا حياه اسريّه كتيييييييييييير أحسن منهم و هي من الاشياء اللي بحسدونا عليها… و هينا منجرّب نخرّبها..!!!

 

9 thoughts on “هل غازلت يوماُ مديرك للحصول على زياده في الراتب؟

  1. لا ياخ وانا شفت الداعية تبع البرنامج امبارح . بس قلت يكون عملو دبلجة وكدة . يعني قلبوة عربي . فاضيين شغلة بصراحة . انا البرنامج الاجنبي ما حبيتو .
    هذا الفضل !!!

    • اه و الله يا صفاء هاد اللي فضل! و المخفي أعظم…
      شكراً لمرورك على المدونه..نورتي🙂

  2. موضوع جميل وواقعي
    صراحة ما بعرف شو الفائدة من برنامج متل هيك
    انا اصلا النسخة الاجنبية ما حبيتها ودايما كانت نظرات الغضب والزعل والعجب العجاب قي وجوه الزوج/ الزوجة/ الام/ الصديق
    وحتى لو كان المبلغ فعلا مغري، أولا من اغلب الحلقات اللي حضرتها الكل كان يخسر المصاري وتانيا كان يخسر الطرف التاني سواء اهل أو زوج

    بالنسبة النا العرب ما بعرف شو ممكن تكون نتيجة هالبرنامج، بتخيل رح تصير حالات طلاق وانفصال وأهل يتبروا من أولادهم
    بس السؤال عشان شو ؟عشان الف أو 50 الف ريال ممكن يخسروهم
    والاهم الاشياء الكتيرة اللي رح يخسروها وكتيير كمان رح ينزلوا من عين اصدقائهم واهلهم

    يا عرب أظن بكفي تقليد أعمى للغرب وخلينا نعمل برامج ثقافية تتلائم معنا ومع العقل والمنطق

    • ربا كل شي لازم يعملو زيو!
      بس شكلو عشان المصاري الناس بتخسر كل شي و بتبيع كل شي…!
      نورتي رباا🙂 طلّي دايماً😉

  3. اللي بقهر اكتر انهم عم بدخلو الحياة الزوجية و الاسرية و بنشرو اسرارها و الناس مبسووووووووطة .. الله يستر من البرامج الجاي ازا ضلو ع هاي الطريق

  4. عن جد سرين بطل في اشي يستحو منو..
    لا و بالاخر عياس النوري بحكيلك “احنا مو هدفنا المصاري احنا هدفنا نحكي الحقيقه”

  5. موضوع روعته تكمن في ملامسته لمأساة كبيرة نحن بها ….
    ربما هي نقود فائضة لدى مجموعة الام بي سي ومش تعبانين كثير في الحصول عليها مش مستعدين يتعبو كثير في انفاقها بنفقوها في شيء رغم انو تافه نوعا ما الا ان الكثير من الناس عقولهم فارغة وتحب مثل هذه الامور وهكذا تجلب مزيد من المشاهدين ليزيد ثمن الاعلان ……
    المال …. السعادة ليست بالمال …… السعادة تكمن في راحة البال … راحة البال في حال وجود الحب والاخلاص والوفاء تكون موجودة … وفي حال البوح في اي سر من هذه الاسر ينقص الوفاء … ومن نقص عنده الوفاء من اجل مبلغ مهما كان سوف تنقص عنده القيم الاخرى من اجل ذاك المبلغ . وهكذا نحن نخرب بيوتنا من اجل قرش ..
    وهي ليس الا قناة ربما الذين يقفون خلفها هم من من يهتمون في هدم المجتمع … حتى المسلسات التي تبثها قنوات الام بي سي .. تحمل في طياتها غزو ثقافي …

أضف تعليقاً

إملأ الحقول أدناه بالمعلومات المناسبة أو إضغط على إحدى الأيقونات لتسجيل الدخول:

WordPress.com Logo

أنت تعلق بإستخدام حساب WordPress.com. تسجيل خروج   / تغيير )

صورة تويتر

أنت تعلق بإستخدام حساب Twitter. تسجيل خروج   / تغيير )

Facebook photo

أنت تعلق بإستخدام حساب Facebook. تسجيل خروج   / تغيير )

Google+ photo

أنت تعلق بإستخدام حساب Google+. تسجيل خروج   / تغيير )

Connecting to %s