صيدليّة بابا..

بابا عندو صيدليّة عمرها أكبر مني يعني يمكن 27 سنه …

تخيلو 27 سنه  و هو  بابا بشتغل فيها و احنا صغار كانت النزله علصيدليّه زي النزله على الملاهي  كان عنا بسكليت نسوقو بالشارع ..ودايماً  ييجو صيدلانيّات يدرّبو و نتسلّى معهم

و كل الشارع  صحابنا عمو ابوجابر..و عمو شريف و الاديب و رامي و لهلأ..

أول ما فتحت الصيديّه كانت مزدهره بتذكر و انا أتفرج على دفاتر الحسابات كنت استغرب انو هالقد كان في شغل و أرباح

بس هيك من خمس سنين يمكن صارت كتير تقليديّه يعني بابا ما يهتم غير بالدواء و زباينو محدودين…

من كم شهر اجا عرض انو يشارك شركة ادويه برام الله بصيدليتو بنابلس و يفتحو فرعهم عنا… بعد تفكير قرر  يوافق… من مبدأ انو أكتر اشي بلفت النظر بالصيدليّات الشامبوهات و الكوزماتكس و لعطور و اشياء التجميل… احنا صيدليتنا بآخر فتره كانت مقتصره على الأدويه…:d

و طبعاً ما كان عنا  و لا كمبيوترات و لا نظام محاسبه و لا النا علاقه …

حاسه بابا كتير هاكل الهم انو هيك بطلت مسؤوليتو لحالو صارت مسؤوليّه مشتركه.. و بدو يتغيّر روتين صرلو عايشو 27 سنه , اه وكمان بدو يتعلّم علكمبيوتر !!!!

يا رب يا رب الله يوفقو.. دعواتكم  🙂


6 thoughts on “صيدليّة بابا..

  1. بالتوفيق بالتوفيق🙂

    إلهي تكون خطوة خير

    سؤال “شبه” بريء : المتدربات حلوات :]😀

    هيهيههييييييييييي

  2. يلا ان شاء الله بالتوفيــق وترجع صيدليتكم متل ما كانت زمان وأحسن

    والله يعطي عمو طولة العمر والصحة ويشوفها من أعلى لأعلى الصيدليــة

  3. ههههههههههه هيثم لأ ماما كانت تعمل مقابلات معهم الحلوه كنا نحكيلها مع السلامه…:😀
    امين يا ربا.. :)شكرا :))))

  4. ريم نسيت احكي عن فرهود … التاني و الله صاحبنا و بجيبلنا الفطور ديليفري كان😛

أضف تعليقاً

إملأ الحقول أدناه بالمعلومات المناسبة أو إضغط على إحدى الأيقونات لتسجيل الدخول:

WordPress.com Logo

أنت تعلق بإستخدام حساب WordPress.com. تسجيل خروج   / تغيير )

صورة تويتر

أنت تعلق بإستخدام حساب Twitter. تسجيل خروج   / تغيير )

Facebook photo

أنت تعلق بإستخدام حساب Facebook. تسجيل خروج   / تغيير )

Google+ photo

أنت تعلق بإستخدام حساب Google+. تسجيل خروج   / تغيير )

Connecting to %s