شو بدنا ندعي ؟؟

قال صلى الله عليه وسلم قال : ( خير الدعاء دعاء يوم عرفة، وخير ما قلت أنا والنبيون من قبلي: لا إله إلا الله وحده لا شريك له، له الملك وله الحمد، وهو على كل شيء قدير )


شو بدنا ندعي بكرا ؟

ندعي لحالنا ولّا للأمه الاسلاميه  ولّا لفلسطين؟؟ ندعي للأمن و الاستقرار؟ ندعي الله ينزل علينا الشتا؟ الله يقوي اهلنا و يخليهم؟ ندعي الله يسامحنا و يغفرلنا و يدخلنا الجنه؟

ندعي للدنيا  ولّا للآخره؟؟

انا أكتر اشي بتذكر أدعي لحالي و اهلي و صاحباتي -و حالي اولاً-.. بتذكر ادعي لا شياء   الدين و الاخره انو الله  يدخلنا الجنه و يثبتنا و يهدينا و يحسن ختامنا و يعينا على طاعتو و يغفرلنا و يهون علينا سكرات الموت و ما يعذبنا و لا بقبرنا و لا بنار جهنم…بس النصيب الاكبر من الدعاء بروح لحاجات الدنيا…!!!!!

و بعد حالي و اهلي و الناس اللي بحبهم  بيجي دور  الاسلام و المسلمين و الامه الاسلاميه و فلسطين و الشعب الفلسطيني و المحرومين و المنكوبين و المساكين كل هدول باجي انا أولاً بعدبن هم..!!

مش عارفه ليش هيك اولوياتي…!!

بس انو يا الله  أديش احنا محتاجين الله و الحمدلله انو منقدر ندعي و يكون الدعاء بس بيننا و بينو… تخيلو لو زي  زمان لما كان البابا و سيط بين الشعب و بين الرب يا سلام شو في فضايح بتنكشف..! و كان في صكوك الغفران يدفعو الناس مصاري للبابا عشان يتواسط عند  الله يغفرلهم..!

انا لما رحت على العمره عشان ما أنسى كتبت كل شي دعاء بدي ادعيه على دفتر عشان ما انسى و الدفتر لهلأ عندي  مره وقع بايد ماما سحبتو بسرعه بلاش تقرأ شو كاتبه… يعني في اشياء منحكيها لربنا و مندعيه فيها حتى لأهلنا اللي هم أقرب الناس النا ما منحكيها…فما بالكم المساكين اللي كانو يحكو للبابا شو بدهم..!!

“وَإِذَا سَأَلَكَ عِبَادِي عَنِّي فَإِنِّي قَرِيبٌ أُجِيبُ دَعْوَةَ الدَّاعِ إِذَا دَعَانِ فَلْيَسْتَجِيبُوا لِي وَلْيُؤْمِنُوا بِي لَعَلَّهُمْ يَرْشُدُونَ”

من أكبر النعم اللي احنا فيها انو ربنا هو ربنا…

الحمدلله..

تقبل الله طاعتكم…

كل عام و انتو بخير..

. الله يعيدو علينا و عليكم بالصحه و العافيه و هداة البال..:)

3 thoughts on “شو بدنا ندعي ؟؟

  1. تنبيه: تجمع المدونين الفلسطينيين

أضف تعليقاً

إملأ الحقول أدناه بالمعلومات المناسبة أو إضغط على إحدى الأيقونات لتسجيل الدخول:

WordPress.com Logo

أنت تعلق بإستخدام حساب WordPress.com. تسجيل خروج   / تغيير )

صورة تويتر

أنت تعلق بإستخدام حساب Twitter. تسجيل خروج   / تغيير )

Facebook photo

أنت تعلق بإستخدام حساب Facebook. تسجيل خروج   / تغيير )

Google+ photo

أنت تعلق بإستخدام حساب Google+. تسجيل خروج   / تغيير )

Connecting to %s