جدي..

عرض الشرائح هذا يتطلب تفعيل جافاسكربت.

لسّا بتذكر آخر مره  حكيت فيها معك..

و بتذكرك كيف كنت  تمسك ايدي و تشد عليها…

يا الله شو بحبك و بتذكرك…

بحب كيف كنت تعيش و تعمل كل شي في ايديك و تزعل اذا انا جبتلك كاسة المي عشان بتحب تجيبها انت…

و لمّا تعصب  علي لما اجي ابوس ايدك و تحكيلي “بوسة الايد ضحك على اللحى”

و كيف كنت تحب تيتا و تزعل اذا بتزعل..

ودايما  كنت تحس انك ً قوي حتى لما تكون تعبان  و  بدك تنزل على السوق لحالك  و تجيب الخضره و تجيب اغراض الدار  من غير ما زيد ينزل معك او يوصلك..

همك الأساسي في الحياه كان انو احنا ما نتغلّب…!!!!!

قهوة الهموز بالصيف  و قهوة الشريف بالشتا   كل ما امر جنبهم بتذكرك…و كيف كنا  نكتشف انك مأرجل من ريحة آواعيك مش من اعترافاتك..

و حكيك كلو امثله.. و عن زمان و ايام زمان

اشتقتلّك و دايماً رح اشتقلك…استفققدتك  كتير  بحفلة تخرجي السنه الماضيه… ما كنت متوقعه ما تكون معنا فيها

مرضت بسرعه و تركتنا بسرعه….الحمدلله انو عشنا معك…الله يرحم روحك و يغفرك و يجمعنا فيك في الجنه .

19/10/2007

اليوم الذكرى الثالثه لوفاة جدي…دعواتكم له بالرحمه

.

9 thoughts on “جدي..

  1. سيدوووووووو حبيبييي الله يرحمو يا رب 3 سنيييين من غيره شو بتمرئ الايام بسرعه….
    مافي يوم مر ما اتزكرنا فيه و كونا انحبو كتيير بس مش اد ما كان هو يحبنا اكييد
    الله يرحمو و انا اكتر اشي بتزكرو لما دايمن يوقفلنا و هو بسلم علينا و تيتا اتقلو خلييك اعد و ما برد عليييها.
    ك اانسان فينا رح يموت ,بس انشالله لما انموت تلاقي حدا بحبنا و يضل متزكرنا زي ما احنا متزكرينك يا سيدو
    الله يرحمك ويجعل مثواك الجنه يا رب

  2. ههههههههههه..و انا كمان بتذكر…
    الله يرحمو و يغفرلو ز يحسن ختامنا جميعاً…
    و بالمناسبه عرفت لحالي انك اخوي :p

  3. this post touch my heart lal a3maaaaaaak ya yamama i cant even describe to you the feeling i had after reading this post.
    it is full of nice and pure feelings:)

    ربنا يرحمو و يرحم كل موتى المسلمين و يجعل مثواهم الجنة و يتوب علينا و عليهم.

    can’t say moreeee just love this post to the max

  4. diana thx alot..
    your comment make me feel that i’m a good writer…! sadda2et 7alee😀
    Alla yer7am jamee3 amwat al mosleemeen o yer7amna lamma nseer zayhom

  5. تنبيه: تجمع المدونين الفلسطينيين

أضف تعليقاً

إملأ الحقول أدناه بالمعلومات المناسبة أو إضغط على إحدى الأيقونات لتسجيل الدخول:

WordPress.com Logo

أنت تعلق بإستخدام حساب WordPress.com. تسجيل خروج   / تغيير )

صورة تويتر

أنت تعلق بإستخدام حساب Twitter. تسجيل خروج   / تغيير )

Facebook photo

أنت تعلق بإستخدام حساب Facebook. تسجيل خروج   / تغيير )

Google+ photo

أنت تعلق بإستخدام حساب Google+. تسجيل خروج   / تغيير )

Connecting to %s