الشتا حلو…و المطر حلو…بس البرد مش حلو و التوقيت الشتوي مش حلو
البرد لسّا ما وصلنا بس التوقيت الشتوي كتير اجا بكير…بستعجلو على الكسل ليش؟!!! طيّب احنا لسّا خريف مو شتا….ليش التوقيت شتوي..!!
شو بعمل الواحد بحياتو لما يوصل على البيت اربعه …. ياكل..و يصلّي بتصير اربعه و نص او خمسه… بنام ساعه بصحى بلاقيها معتمه..
اذا ما نام بضل منكّد لأنو تعبان… و اذا نام بصحى منكد عشان النومه قبل المغرب مش حلوه….
حتى لما حدا يحكي معي اطلع مكان بعد الدوام مباشره بكون مش شايفه الضو و بدي ارتاح بروح و ما بنبسطت…..و بعد ما اصحى بكون بدي ساعه استعيد نشاطي لا تخلص الساعه بكون اجا نص الليل …
و ما العمل؟؟؟؟
من هنا و هناك 
يمامة ليش معقدة الموضوع … !
انا بحب كتييييييييير الشتا .. صحيح توقيتو بتحسيه قصير .. .
بس حلو تعيشي كل فصل بحسناتو وسيئاتو .. يعني تعتم وانتي بطريقك للبيت .. تشتي عليكي الدنيا يعني ليش تنكدي ع حالك
والفكرة بالموضوع …
ما تنامي لمن تروحي من الشغل ..
و انا بحب الشتا بس لما يكون شتا عن جد يعني لما المطر و البرد يقعدوكي غصبن عنك بالبيت اصلا بتكون القعده جنب الصوبه احلى من كل الطلعات…
بس الطقس هلأ كتير حلو…. و الشمس لسا بتطلع بكير….فبزياده شوي على الكسل نكسب ساعه الصبح و نطول النهار… (كم صرلو التوقبت الشتوي؟؟؟ ليش هلأ انا اجا على بالي؟؟ مش عارفهD: D ) اما بالنسبه للنوم… فانا ما بكون قصدي انام بكون قصدي اتمدد بس بالغلط بنام انو اصلاً مو كتير بنام ساعه يا دوب بس بهاي الساعه بيجي الليل….
الحمدلله انومنشتغل بنابلس….اللي بشتغلو برام الله بأذن المغرب عليهم و هم بالطريق…!!!!
انا ايام بأذن المغرب وانا بالطريق .. اصلن بكون مستمتعة ولا أتذمر متل بعض ناس ..
طيب بتنامي بالغلط ..!!!!!!!!!!!!!!!!
جربي اتنشطي بالغلط كمان
بتيجي معك الأمور 🙂
خلص خلص بدي ابطل انام اصلً انا من مبارح قررت انو ابطل انام مش عشان انتو اقنعتنوني…
بس عشان الحياه احلى من انو نضيعها بالنوم (هيك بقولو ) :p
و انا ما بتذمر ست عزيزه من النوم و لا من النهار و لا من الشتا…. التذمر من انو التوقيت الشتوي لازم مش قبل شهر 11…
أنا أعشق الشتـــــــــــــــــــــا
بحب كل شي فيه
مطراته ،، برداته ،، توقيته ،، كنكنته ،، شرشحته
المشي تحت الشتا والمطر ،، اشي يعني لا يوصــــــــــــــــــــــف
هسه بالنسبة للتوقيت الشتوي احنا وقتنا شتوي قبل الشتا بسنة 😛 ،، بس إنه في هاي الايام كتير التوقيت حلو
بالنسبة إلك انتي بتنامي لما تروحي ،، غيرك ما بنام الا بالليل
فرأي ما تنامي أول ما تروحي وبلاها هالكسل
وان شاء الله يجي موسم الشتـــــــــــــــا والمطر والثلج بدري بدري
اشتقتلــــــــــــــــــــــــــه لأني
😦 😦
مطراته ،، برداته ،، توقيته ،، كنكنته ،، شرشحته ههههه اه و الله حلو الشتا بس الصيف احلى و انشط..!!!!
مهو اذا ما نمت بنام زي الجاج على العشره….. و الساعات اللي بين ال 4 و ال 10 بعملش فيهم اشي مفيد..!!!!
و هي ساعة نوم مش اكتر مش هي السبب…..بس برضو بدي ابطل انام….و تغييييير بركي كان احلى و انشط…..
حبيت احكيلكم انو اليوم زبطت و ما نمت لا بالغلط و لا بالصح …:d
يللا تصبحو على خير شكلي بدي انام على الكيبورد…هي الشاعه 11 صارت…
التنبيهات: تجمع المدونين الفلسطينيين